Zameen Ki Kookh Se Le Kar Sabhi Jahaanon Tak
Main Teri Khoj Me Nikla Hon Aasmaanon Tak
Abhi Khule Hi Thy Band e Quba Shabstaan Me
Ke Noor Phail Gaya Paas K Makaanon Tak
Mujhe Kisi Pe B Aae Yakeen Nahi Mumkin
Mere Naseeb Se Le Kar Tere Bahaanon Tak
Wo Aik Chaand Pighalta Raha Kiran Ba Kiran
Wo Aik Shab K Sulagti Rahi Azaanon TaK
Faraaz e Dasht Pe Wo Noor Tha Hadaff Pe
Ke Teer Lout K Aate Rahe Kamaanon Tak
Post a Comment